Gripp kasalligi odamlar orasida tarqalganidek, har xil qushlar va hayvonlar orasida, jumladan, cho'chqalar orasida ham uchraydi. Kasal odamlardan sog'lom hayvonlarga havotomchi yo'li bilan zoonoz kasallik sifatida yuqadi. Hayvonlar grippining viruslari odamlarga ham yuqqanida, odamlar va hayvonlar viruslari o'zaro chatishib, viruslarning yangi mutantlari, ya'ni yangi turlari paydo bo'ladiki, bu viruslar ilgari odamlar orasida uchramaganligi hamda ushbu viruslarga odamlarda immunitet yo'qligi sababli kasallik tezda tarqaladi.

Deyarli barcha manbalarda o'rta asrning buyuk olimi Abu Rayhon Beruniyning tug''lgan yili 973-yil deb qayd qilinadi. Bu ulug' alloma hijriy-qamariy hisob bilan 362-yilda tug'ilgan bo'lib, bizning ilmiy jihatdan aniq hisob-kitoblarga asoslangan fikr-mulohazalarimizga ko'ra, u milodiy 973-yilga emas, balki 972-yilga to'g'ri keladi.

Istiqlol yillarida respublikamizda Prezidentimiz rahnamoligida yosh avlodning har tomonlama kamol topishi, ma'naviyruhiy jihatdan yuksalishi, ilmfan, san'at, madaniyat va sportning barcha yo'nalishlarida yuqori cho'qqilarni zabt etishi uchun barcha sharoitlar yaratildi. Bu yo'nalishlarda o'z qobiliyat va iqtidorlarini namoyish qilayotgan yosh avlod vakillari ma'naviy-ruhiy jihatdan qo'llab-quvvatlanib, moddiy jihatdan rag'batlantirilmoqda. Jumladan, Prezidentimiz tashabbusi bilan istiqlol yillarida iste'dodli va iqtidorli yoshlar uchun "Kelajak ovozi", "San'at g'unchalari", "Navqiron O'zbekiston" kabi ko'riktanlovlar, ilmiyijodiy festivallar, "Umid nihollari", "Barkamol avlod", "Universiada" deb nomlangan uch bosqichli sport musobaqalari tashkil etilib, ularda respublikamizning turli burchaklarida yashayotgan, kelajagimiz va istiqbolimiz poydevorini mustahkam asoslarda qurishga qodir bo'lgan minglab navqiron iste'dod va iqtidor sohiblari kashf etilmoqda.

Ma'lumki, muhim sanoat xom ashyosi bo'lgan paxta  dunyodagi bir qancha mamlakatlarda  yetishtiriladi. Jumladan, O'zbekiston ham dunyodagi paxta yetishtiruvchi yetakchi mamlakatlardan biri hisoblanadi. O'zbekiston paxta xom ashyosini tayyorlash bo'yicha dunyoda oltinchi, uni eksport qilish bo'yicha ikkinchi o'rinda turadi. Biroq O'zbekiston paxta yetishtiruvchi boshqa davlatlardan o'zining tabiiy-iqlim sharoitining noqulayligi bilan ajralib turadi. Shunga qaramasdan zahmatkash o'zbek paxtakorlari yil sayin jahon bozoriga yuqori sifatli, pishiq, mustahkam, raqobatbardosh paxta tolasi yetkazib berishga astoydil harakat qilmoqda. Buning uchun o'zlarining ko'p yillik dehqonchilik tajribalaridan, xalqimizning ichki potensial kuchlaridan, qishloq xo'jaligi va paxtachilik sanoatini rivojlantirish uchun mamlakatimiz rahbariyati va hukumatimiz tomonidan ko'rsatilayotgan moddiy-ma'naviy qo'llab-quvvatlash hamda rag'batlantirishlardan samarali va oqilona foydalanmoqda-lar. Shu tufayli ham yildan yilga jahon bozorida O'zbekiston paxta tolasining shuhrati va mavqei oshib, raqobatbardoshlik darajasi yuksalib, jahon sarmoyadorlari o'rtasida unga bo'lgan qiziqish va talab kuchayib bormoqda. Xususan, shu yilning 14-15 oktyabrь kunlari poytaxtimiz - Toshkent shahrida o'tkazilgan U Xalqaro O'zbekiston paxta yarmarkasida dunyoning 34 mamlakatidan 300 ga yaqin firma va kompaniyalardan 515 nafar ishbilarmon va tadbirkorlarning qatnashganligi hamda ular tomonidan O'zbekiston paxta tolasining sifati yuqori darajada baholanganligi fikri-mizning isbotidir.

Muhtaram Prezidentimiz Islom Karimov "El-yurt uchun, Vatan uchun yonib yashash kerak" degan shiorni ko'p takrorlaydi. Bu xitobda juda teran ma'no bor. Tarix guvohlik beradiki, umrini xalq baxt-soadati uchun baxshida etgan, ko'pchilik manfaati yo'lida zahmat chekkan, ya'ni "yonib yashagan" aziz insonlar hamma davrda ham el-yurt ardog'ida bo'lgan, e'zozlangan va qadr-e'tibor topgan. Ularning oddiy hayoti, halol mehnati, yuksak insoniy fazilatlari yoshlar uchun o'rnak, namuna sifatida ibrat qilib ko'rsatilgan.

Yaqinda tahririyatimizga o'tgan o'quv yilida institutimizning "Boshqaruv" fakultetini tamomlab, hozirda Slovakiya va Chexiya Respublikalarining nufuzli universitetlari magistraturasida tahsil olayotgan magistrlar Komila Tursunova va Iroda Abdurahimovalar nomidan maktub keldi. Maktubda institutimizning sobiq talabalari ularning Yevropadagi eng nufuzli oliy o'quv yurtlarida magistraturada ta'lim olish baxtiga muyassar bo'lishida yaqindan yordam berganligi uchun institut rahbariyati va xalqaro aloqalar bo'limiga,  ingliz tili fanidan yuksak pedagogik mahorat bilan saboq bergan ustozlari - "O'zbek va chet tillar" kafedrasining katta o'qituvchisi Hulkar opa Mustafoqulovaga ingliz tilini mukammal o'rganishida ustoz va murabbiy sifatida chin dildan butun mehri va mahoratini bag'ishlaganligi uchun cheksiz minnatdorchilik izhor qilishgan. Quyida ana shu minnatdorchilik maktubini Siz aziz mushtariylar hukmiga havola qilamiz.

XXI asrni axborot-kommunikatsiya texnologiyalarisiz tasavvur qilish qiyin. Dunyoning qaysi bir rivojlangan davlati tajribasiga e'tibor qilmang, mazkur soha ular iqtisodiyoti tarraqiyotida hal qiluvchi ahamiyatga ega ekaniga guvoh bo'lamiz. Yurtimizda ham Prezidentimiz rahnamoligida axborot-kommunikatsiya tizimi sohasini rivojlantirishga davlat siyosati darajasida e'tibor qaratilmoqda.Shu o'rinda Yurtboshimizning 2006 yil 20 iyunda qabul qilgan "Respublika aholisini axborot-kutubxona tizimi bilan ta'minlashni tashkil etish to'g'risida"gi qarorining hayotimizda tutgan ahamiyati beqiyosdir. Ana shu hayotbaxsh hujjat sharofati bilan kutubxona sohasini takomillashtirish, aholining barcha qatlamlari intellektual ehtiyojlarini qondirish, madaniy, axloqiy-ma'naviy qadriyatlarini saqlab qolish maqsadida axborot-resurs markazlari tashkil etilganligi ayni muddao bo'ldi. Institutimiz ARMi ana shu shunday ziyo maskanlarining biri hisoblanadi. U o'tgan yilning oktyabr oyida institutimiz rektori, professor Ibrohim Sodiqovning tashabbusi bilan davlatimiz rahbarining yuqorida qayd etilgan qarori talablariga monand rekonstruksiyadan  chiqarilib, butunlay yangi qiyofa  kasb etdi.

O'zbekiston Respublikasi o'z oldiga demokratik huquqiy davlat va kuchli fuqarolik jamiyatini barpo etishni maqsad qilgan. Demokratiyaning muhim belgisi  erkin amalga oshiriladigan saylovlardir. Shu jihatdan olganda, 2009 yilning dekabrь oyida O'zbekiston Respublikasi Oliy Majlisi Qonunchilik palatasi va xalq deputatlari Mahalliy Kengashlariga bo'lib o'tadigan saylovlar alohida ahamiyat kasb etadi.

Azaliy an'ana va qadriyatlarga boy o'zbek xalqi istiqlolga erishgach, mustaqil mamlakatimizda O'zbekiston Respublikasining milliy Mustaqilligi e'lon qilingan kun, O'zbekiston Respublikasi Konstitutsiyasi qabul qilingan kun, O'zbekiston Respublikasining Davlat Bayrog'i, Davlat Gerbi, Davlat Madhiyasi tasdiqlangan kunlar kabi xalqimiz tarixidagi muhim sanalarni ham tantanali bayram sifatida nishonlash an'anasi shakllandi. Ana shu an'anaviy milliy bayramlar qatorida milliy Konstitutsiyamiz qabul qilingan kunni butun mamlakatimiz miqyosida nishonlashning o'ziga xos jihatlari mavjud. Negaki, milliy Konstitutsiya har bir milliy suveren davlat mustaqilligining asosiy ramzi sifatida alohida ahamiyatga ega. Shu sababli barcha milliy mustaqillikka erishgan suveren davlatlarda, jumladan, mustaqil O'zbekiston Respublikasida ham milliy Konstitutsiya qabul qilingan kun dam olish kuni deb e'lon qilingan va bu sana eng alohida milliy bayram sifatida tantanali tarzda nishonlanadi.

Hulkar opa Mustafoqulova ko'p yillardan buyon institutimizning "O'zbek va chet tillar" kafedrasida ishlab, talabalarimizga ingliz tili fanidan saboq berib kelmoqda. U kishi kafedrada katta o'qituvchi lavozimida ishlash bilan birga, kafedrada tashkil etilgan "Jahon va biz" nomli talabalar ijodiy klubiga ham rahbarlik qilib kelmoqda.Klub a'zolar keyingi yillarda ma'lum bir ijodiy yutuqlarga ham erishmoqda. Quyida ana shu klubga rahbarlik qilayotgan ustoz Hulkar opa Mustafoqulova ingliz tilidan o'zbek tiliga tarjima qilgan qiziqarli matnni hukmingizga havola qilamiz