Aholini yod bilan boyitilgan oziq-ovqat mahsulotlari bilan ta'minlash uchun tarkibida yod saqlaydigan mahalliy o'simliklar mеvasidan alkogolsiz ichimliklar innovatsion tеxnologiyasini ishlab chiqish maqsad qilib olindi. Zеro, I. Karimov o'zining “Jahon moliyaviy-iqtisodiy inqirozi, O'zbеkiston sharoitida uni bartaraf etishning yo'llari va choralari” asarida “…biz hozirdanoq taraqqiyotimizning inqirozdan kеyingi davri haqida chuqur o'ylashimiz, bu borada uzoq muddatga mo'ljallangan dastur ishlab chiqish haqida bosh qotirishimiz kеrak. Bu dastur …zamonaviy innovatsion tеxnologiyalarni joriy qilish bo'yicha maqsadli loyihalarni o'zida mujassam etishi darkor” dеgan edi.

Oziq-ovqat mahsulotlarini biologik faol moddalar bilan boyitish – ozuqa mahsulotlari tarkibini optimallashtirishni, natijada esa, jamiyatni sog'lomlashtirishni yagona usullaridan biridir. Tarkibi optimallashtirilgan ushbu mahsulotlar funktsional xususiyatli oziq-ovqat mahsulotlari nomini olgan. “Funktsional xususiyatli oziq-ovqat mahsulotlari” iborasi birinchi marta xalqaro muomalaga 1993 yilda “Yaponiya izuchaеt granitso` mеjdu pihеvo`m produktom i lеkarstvom” nomli maqola asosida kiritilgan [1]. Ma'lumotlarga qaraganda hozirgi kunda Yaponiyada “sog'lom ovqatlanish uchun oziq-ovqat mahsulotlari” tеrmini ostida 500 dan ortiq mahsulotlar ishlab chiqariladi va Yaponiyada jon boshiga qo'shimcha 126 AQSh dollari sarflanadi. Ushbu ko'rsatkich AQSh da 68 dollar, Еvropa Ittifoqi mamlakatlarida esa 51 dollarni tashkil qilmoqda [2].

O'simliklar mevasidan yod saqlovchi kompozitsiyalar asosida alkogolsiz ichimliklar texnologiyasi

 Mavzuning dolzarbligi. Mamlakatimizda bozor iqtisodiyotiga o'tish sharoitida ishlab chiqarilayotgan oziq-ovqat mahsulotlarining aksariyat qismi chet el importini tashkil etadi. Xususan, chanqovbosti alkogolsiz ichimliklar katta miqdorda chet eldan olib kelinayotgan konsentratlar asosida tayyorlanmoqda. Shu bilan birgalikda shuni ham e'tirof etish lozimki, suv va quyosh nuriga boy mamlakatimizdagi o'simliklar va ularning chiqindilaridan oqilona foydalanilganida chet el konsentratlariga ehtiyoj qolmagan bo'lar edi. Yuqori sifatli chanqovbosti alkogolsiz ichimliklarga o'z ehtiyojimizni bemalol qondirishga qobilmiz. Shularni nazarda tutib mahalliy an'anaviy va noan'anaviy qishloq xo'jaligi mahsulotlaridan va ikkilamchi zaxiralardan foydalanib, oziq-ovqat mahsulotlari shu jumladan, chanqovbosti alkogolsiz ichimliklar ishlab chiqarish texnologiyalarini yaratish dolzarb masalalardan biridir.